Atli Harðarson

Úr Wikivitnun, frjálsa tilvitnanasafninu
Stökkva á: flakk, leita

Atli Harðarson (f. 1960) er íslenskur heimspekingur.

Tilvitnanir[breyta]

  • „Orðið menntun er ekki aðeins notað um lærdóm á tilteknum sviðum eða nám í einhverjum námsgreinum, heldur líka um ýmsa mannkosti eins og smekkvísi, hagleik, víðsýni, yfirsýn yfir margar fræðigreinar og ratvísi um heim vísinda, tækni, félagsmála og menningar.“
  • „Ef heimspeki nútímans er ruglingsleg þá er það líklega vegna þess að nútíminn þarf á heimspeki að halda. Sé hún pirrandi er trúlegasta skýringin sú að heimspekingarnir standi sig þokkalega í stykkinu. Falli hún hins vegar flestum í geð þá finnst mér að minnsta kosti vert að spyrja hvort hún sé nokkuð annað en hugsunarlaus kliður og vaðall í mönnum sem njóta þess að þykjast gáfaðir með því að bergmála ruglið hver úr öðrum.“
  • „Með atvinnuréttindum er átt við rétt manna til að stunda áfram þá atvinnu sem þeir hafa framfæri sitt af eða hafa réttindi eða menntun til. Atvinnufrelsi er hins vegar frelsi manna til að velja sér starf. Atvinnufrelsi er frelsisréttindi og löggjafa er heimilt að skerða það, ef almannaheill krefst, án þess að bæta mönnum skerðinguna á neinn hátt. Atvinnuréttindi eru hins vegar eignarréttindi sem njóta verndar eignarréttarákvæðis stjórnarskrárinnar og löggjafi getur yfirleitt ekki svipt menn atvinnuréttindum án þess að greiða þeim bætur fyrir. Segja má að atvinnuréttur vegi að jafnaði þyngra en atvinnufrelsi, enda er mönnum gert meira til miska ef þeim er bannað að stunda þá vinnu sem þeir hafa lifað af heldur en ef þeim störfum sem þeir geta valið um (skipti þeir um starfsgrein) er fækkað um eitt.“
Í greininni „Er kvótakerfið ranglátt?

Tenglar[breyta]

Wikipedia-logo.png
Wikipedia hefur grein um